Stallion Revisited 10: Anton Dela Vega

 We’re perfect for each other. So, why not, `di ba?”

 Lumaki si Helga na nakapasak na sa kukote niyang si Anton Dela Vega ang mapapangasawa niya balang-araw dahil sa kasunduan ng kanilang mga magulang. Okay lang iyon sa kanya. Sigurado naman siyang hindi siya ilalagay ng mga magulang sa pangit na sitwasyon. Isa pa, nakilala niya si Anton mula pagkabata na isang mabait na tao. Kahit na nga ni minsan ay hindi nito in-entertain ang ideya ng kanilang kasal.

 Hanggang isang araw, bigla na lang siyang sinabihan ni Anton na hindi na matutuloy ang kasal. Pagkatapos ng ilang taon, ngayon lang ito tumutol? Of course she was devastated, especially when she realized she was already in love with Anton. Nakakatawa lang dahil kung hindi pa siya ni-reject ng binata ay hindi pa niya mapapansin na iba na pala ang tibok ng kanyang puso para dito.

 Ang problema na lang niya ngayon, paano na ang bagong tuklas niyang damdamin kung wala na silang forever ni Anton?

 Parang gusto niyang sugurin ang lalaki at sakalin.