關於本電子書
Batsoy ng Bayan award lang ang beauty contest na puwedeng mapanalunan ni Allie kung mag-aambisyon man siyang maging isang beauty titlist. Kaya malabong matupad ang matagal na niyang pangarap: ang maging mutya ng buhay ng kababata, ang nakakaduling sa kaguwapuhang si Luke Cordova. Iyon ay kahit pa dati ay pabiro silang ipinagkasundo ng mga ama nila na ipapakasal sa isa’t isa.
Pero ayon sa daddy niya, uuwi sa Pilipinas si Luke at hindi raw tutol ang lalaki sa kasunduan? Joke ba iyon? Her dad said all she needed to do was to dazzle the guy and he would be hers.
Dazzle daw o. Mas dazzling pa yata ang kalabaw kaysa sa kanya. Pero lahat naman daw ay nagagawan ng paraan kaya napadpad siya sa fitness center na pag-aari ng Zumba-instructor-cum health and fitness guru na si Inno.
Muntik magsalawahan si Allie nang makita si Inno. Inukit sa bato ang peg nito kung katawan ang pag-uusapan. At may-hitsura din.
Sa tulong at gabay ni Inno, nangatog ang mga taba ni Allie at nagsilayas ang sangkatutak na bilbil. Naging vava-voom siya. Ang kaso, may problema. Nahagip din ang puso niya, nanganib na mahulog sa kandungan ni Inno. May mga pagkakataon pa nga na pakiramdam niya, mutual ang feelings nila sa isa’t isa.
Pero may natuklasan si Allie tungkol kay Inno, at sa nakasusulasok na paraan ay napatunayan niyang assuming at feelingera lang pala siya. Talo pa niya ang sinapok sa tindi ng sakit na nadama…
