Ons speletjiekeuses vir Julie

Daar kom elke maand ’n magdom nuwe speletjies na Play. Om jou te help om dié te vind waaroor jy mal sal wees, deel ons – die Play-redakteurs – ons onlangse gunstelingvrystellings. Ons Kollig-titel is ’n speletjie wat ons harte gewen het met pragtige visuele elemente, intuïtiewe speluitleg of doodgewone eenvoudige pret – ons weet jy sal van ons keuse van die maand hou.

Jou lewe in die sonderlinge dorpie Graveholme is op die punt om omvergewerp te word. Nadat ’n geheimsinnige vreemdeling jou in ’n vampier verander het, moet jy bo die bloeddors uitstyg om ’n onmoontlike taak aan te pak: verslaan die vampierkoning en bevry die wêreld van sy genadelose tirannie.

Vampire’s Fall 2 is vol meesleurende bykomstige take, Gotiese flair van die ou skool, en bonatuurlike vermoëns om mee rond te speel as deel van die beurtgegronde gevegte. Ongeag of jy deur die intrige of die uitdagende gevegte gelok word, is dit die moeite werd om jou tande daarin vas te slaan.

Of dit ons vermaak, kalmeer, bang gemaak of getoets het, hierdie Hoogtepunte is ’n versameling van ons gunstelingspeletjies hierdie maand.

Vir diegene wat van die alternatief hou, bied die Indie-hoogtepunteversameling hierdie maand se beste nuwe Indie-speletjies op Play aan.

Verken die jongste byvoegings tot Play Pass – kry onbeperkte toegang tot honderde betaalde speletjies, almal sonder inappaankope of advertensies.

Wonder jy waarna jy in die volgende paar maande kan uitsien om te speel? Blaai deur ons Voorafregistrasieversameling en sluit aan vir eksklusiewe byvoordele en bonusse.