စကားပြောလိုက်ရင် အခြားဘာသာစကားနဲ့ ဘာသာပြန်ပေးတဲ့ ဘာသာပြန် application ဖြစ်ပါတယ်။ ဘာသာစကား ၃၁ မျိုးအတွက်အသုံးပြုနိုင်ပြီးဒေါင်းလုပ်ရယူတာ အသုံးပြုတာ အားလုံးအခမဲ့‌ဖြစ်ပါတယ်။
ရိုးရှင်းတဲ့စခရင်မ်မျက်နှာပြင်‌ကြောင့်အသုံးပြုရလွယ်ကူပြီး ဘာသာပြန်ရလဒ် မှန်ကန်မှုရှိမရှိကိုလည်း ပြန်လည်စစ်ဆေးကြည့်နိုင်ပါတယ်။
ပျော်ပျော်ပါးပါး ခရီးသွားနိုင်ဖို့၊ အလည်လာတဲ့ နိုင်ငံခြားသားတွေကို ဧည့်ဝတ်ပျူငှာပြုနိုင်ဖို့ အသံကိုဘာသာပြန်ပေးမယ့် စကားပြန်ကိရိယာ တစ်ခုအဖြစ် အသုံးတည့်မှာပါ။
■ထူးခြားချက်
ဂျပန်နိုင်ငံ သတင်းအချက်အလက်နှင့် ဆက်သွယ်ရေး နည်းပညာဌာန National Institute of Information and Communication Technology (NICT)ရဲ့ တိကျတဲ့ စကားသံနားလည်နိုင်စွမ်း၊ ဘာသာပြန်နိုင်စွမ်းနဲ့ စကားသံအဖြစ် ပြန်လည်ပုံဖော်ပေးနိုင်စွမ်း နည်းပညာတွေကို VoiceTra မှာ အသုံးပြုထားတာကြောင့် စကားနဲ့ပြောလိုက်တဲ့အကြောင်းအရာကို ဘာသာပြန်ပြီး စကားသံနဲ့ပဲ ပြန်ပြောပေးပါတယ်။
ဘယ်စကားနဲ့ ဘာသာပြန်ချင်လဲဆိုတာ ဘာသာစကားကို အလွယ်တကူ ပြောင်းနိုင်တာကြောင့် မိမိနဲ့ နိုင်ငံခြားသားနဲ့ အပြန်အလှန် စကားပြောတာကို စက်တစ်လုံးတည်းနဲ့သုံးနိုင်ပါတယ်။
အသံနဲ့အသုံးမပြုနိုင်တဲ့ ဘာသာစကားဆိုရင် စာရိုက်ပြီးတော့ ဘာသာပြန်ကြည့်နိုင်ပါတယ်။
ခရီးသွား စကားပြောတွေအတွက် အသင့်တော်ဆုံးဖြစ်လို့အောက်ပါအခြေအနေတွေမှာ သုံးဖို့အကောင်းဆုံးဖြစ်ပါတယ်။
☆သယ်ယူပို့ဆောင်ရေး☆ ဘတ်စ်ကား၊ ရထား၊ စင်းလုံးငှားကား၊ တက္ကစီ၊ လေဆိပ်၊ လေဆိပ်အကူးအပြောင်း
☆ဈေးဝယ်ထွက်ခြင်း☆ စားသောက်ဆိုင်၊ ဈေးဝယ်ထွက်ခြင်း၊ ငွေပေးချေခြင်း
☆ဟိုတယ်☆ ချက်ခ်အင်၀င်ခြင်း၊ ချက်ခ်အောက်ထွက်ခြင်း၊ ဘွတ်ကင်ပယ်ဖျက်ခြင်း
☆အလည်အပတ်☆ နိုင်ငံရပ်ခြားခရီးသွားခြင်း၊ နိုင်ငံခြားသားဧည့်သည်များကို အကူအညီ ဝန်ဆောင်မှုပေးခြင်း
※VoiceTra ကို သဘာဝဘေးအန္တရာယ်ကာကွယ်ရေးနှင့် ဆက်စပ်အခြေအနေတွေမှာ အသုံးပြုနိုင်ဖို့လည်း ရည်ရွယ်ထုတ်လုပ်ထားပါတယ်။
အဘိဓာန်တစ်ခုအနေနဲ့ စကားလုံးတွေကို ဘာသာပြန်ဖို့လည်း သုံးနိုင်ပေမယ့် အကြောင်းအရာနဲ့ လိုက်ပြီး စကားလုံးတွေကို ဘာသာပြန်ပေးထားတဲ့အတွက်‌ကြောင့် စကားပြောဝါကျပုံစံနဲ့ ဘာသာပြန်တဲ့နည်းကိုသုံးတာပိုပြီးတော့အဆင်‌ပြေစေပါတယ် ။
■အသုံးပြုနိုင်သောဘာသာစကားများ
ဂျပန်၊အင်္ဂလိပ်၊တရုတ်စကား (ခေတ်ပေါ်)၊တရုတ်စကား (ရိုးရာ)၊ကိုရီးယား၊ထိုင်း၊ပြင်သစ်၊အင်ဒိုနီးရှား၊ဗီယက်နမ်၊စပိန်၊မြန်မာ၊အာရပ်၊အီတလီ၊ယူကရိန်း၊အူရဒူ၊ဟော်လန်၊ကမ္ဘောဒီးယား (ခမာ)၊သီရိလင်္ကာ (ဆင်ဟာလီ)၊ဒိန်းမတ်၊ဂျာမန်၊တူရကီ၊နီပေါ၊ဟန်ဂေရီ၊ဟင်ဒီ၊ဖိလစ်ပိုင်၊ပိုလန်၊ပေါ်တူဂီ၊ ဘရာဇီးပေါ်တူဂီ၊မလေး၊မွန်ဂို၊လာအို၊ရုရှား။
■ကန့်သတ်ချက်များ
အင်တာနက်ချိတ်ဆက် သုံးစွဲရပါမယ်။
အင်တာနက်ကွန်ရက်မြန်နှုန်းပေါ်မူတည်ပြီး ဘာသာပြန်ရလဒ်ကိုဖော်ပြဖို့ အချိန်စောင့်ဆိုင်းရခြင်း ရှိနိုင်ပါတယ်။
အထက်ဖော်ပြပါ အသုံးပြုနိုင်သောဘာသာစကားများအနက် ဖုန်း OS ကီးဘုတ်တွင် စာရိုက်နိုင်တဲ့ ဘာသာစကားများကိုသာ စာရိုက်ပြီးဘာသာ ပြန်ကြည့်နိုင်မှာဖြစ်ပါတယ်။
အသုံးပြုတဲ့ ဖုန်း၊စက်မှာ သင့်လျော်တဲ့ဖောင့်ကို ထည့်သွင်းထားခြင်းမရှိပါက စာလုံးများကို မှန်ကန်စွာမမြင်ရခြင်း ကြုံတွေ့ရနိုင်ပါတယ်။
ဆာဗာရုတ်တရက်ရပ်ဆိုင်းခြင်းကြောင့် အချို့သောဝန်ဆောင်မှုများသော်လည်းကောင်း၊ application အသုံးပြုမှုသော်လည်းကောင်း ရပ်ဆိုင်းခြင်းများ ရှိနိုင်ပါတယ်။ ကြိုတင်သတိပြုနိုင်ဖို့ မေတ္တာရပ်ခံအပ်ပါတယ်။
အင်တာနက်ချိတ်ဆက် သုံးစွဲခမှာ သုံးစွဲသူမှ ကျခံရမှာဖြစ်ပါတယ်။ ပြည်ပတွင် Roaming ဖြင့်သုံးစွဲပါက အင်တာနက်သုံးစွဲခ ပိုမိုမြင့်မားနိုင်တာကို အထူးသတိထားဖို့လိုပါတယ်။
သုံးစွဲသူများ ခရီးသွားလာစဥ် အဆင်ပြေလွယ်ကူစေရန် ရည်ရွယ်ချက်ဖြင့် သုတေသနလုပ်ငန်းစဥ်များနဲ့ ပြုလုပ်ထားတဲ့ အပလီကေးရှင်းဖြစ်ပြီး သုတေသနကဏ္ဍပိုင်းအတွက် ဆာဗာကိုလည်း ထည့်သွင်း အသုံးပြုလျက်ရှိပါတယ်။
သုံးစွဲသူများရဲ့ ဘာသာပြန်စဥ် အသံ၊ စကားပြောမှတ်တမ်းများကို အသံဘာသာပြန်ဆိုမှု စနစ်ပိုမိုတိုးတက်ကောင်းမွန်အောင် ပြုပြင်ရန်ရည်ရွယ်ချက်ဖြင့် အသုံးပြုမှာ ဖြစ်ပါတယ်။
နေ့စဥ် လုပ်ငန်းဆိုင်ရာကိစ္စများ အတွက်လည်း စမ်းသပ်အသုံးပြုနိုင်ပြီး ရည်ရှည်စနစ်တကျ အသုံးပြုလိုလျှင် VoiceTraရဲ့ နည်းပညာများ အသုံးပြုထားတဲ့ ပုဂ္ဂလိကဝန်ဆောင်မှုစနစ်ကို အသုံးပြုနိုင်ပါတယ်။
အသေးစိတ်သိရှိလိုပါက အပလီကေးရှင်းရဲ့ ”Terms of Use” နေရာတွင် လေ့လာ ကြည့်ရှုနိုင်ပါတယ်။→ https://voicetra.nict.go.jp/attention.html